झण्डै ४ लाख पब्लिक अब बने ‘नागरिक’का लगानीकर्ता, अबको बाटो कस्तो होला?

अन्ततः साढे ४३ करोड रुपैयाँको आइपिओ बेचेर नेपालको इतिहासमै पहिलो पब्लिक मिडिया कम्पनी बन्न नागरिक दैनिकको प्रकाशन संस्था नेपाल रिपब्लिक मिडिया सफल भएको छ। उपप्रधान तथा गृहमन्त्री नारायणकाजी श्रेष्ठ आफै गएर चिट्ठा निकालेपछि सोमबार आइपिओ बाँडफाँट पनि सकिएको छ। केही समयपछि यो कम्पनीको सेयर दोस्रो बजारमा पनि कारोबार हुन थाल्नेछ।

घाटामा रहेको कम्पनी भए पनि नेपालको सेयर बजारमा बुझेर लगानी गर्नेहरूको कमी र १० कित्ते नीतिका कारण यसको आवेदन पनि आवश्यकता भन्दा बढी हुने अनुमान पहिले नै थियो। नभन्दै भयो त्यस्तै। मागको तीन गुणाभन्दा बढीले आवेदन पर्‍यो।