मुख्य सामग्रीमा जानुहोस्

समाचार

देश

मेलम्ची खानेपानी फेरि अनिश्चित

rajdhanidaily.com · Mon Aug 02 23:32:31 GMT 2021

मेलम्चीको शिरमा गएको डरलाग्दो पहिरोको कारण काठमाडौंमा भर्खरै मात्र सञ्चालनमा आएको मेलम्चीको भविष्य फेरि अनिश्चित बनेको छ । अब मेलम्ची फेरि दीर्घ रोग र सपना मात्रै हुने त होइन भन्ने प्रश्न उब्जन थालेका छन् ।

नदीमा आएको लेदोसहितको बाढीले मेलम्ची खानेपानी सुरुङको मुहानमा ढुंगा, माटो, बालुवा तथा कंक्रिट र मुढा थुपारिदिएपछि पानीको सतह पनि देखिन छाडेको छ । लेदोसहितको भेलले नदीसतह कटान गरी खानेपानी सुरुङको मुहानको सतहभन्दा निकै तल पु¥याएको छ । त्यही कटान गरिएको सतहमाथि हप्तैपिच्छे थपिने बाढीले पानी नै नदेखिने गरी माटो, बालुवा र पत्थर थोपरिदिएको छ । यो माटो, बालुवा र ढुंगामुढा वर्षमा एकपटक सफा गरेर मात्र हुने अवस्था पनि छैन । सानोतिनो लगानी र औजारले सोहर्न र सफा गर्न सकिनेजस्तो पनि छैन । सफा गरेर केही समयसम्म खान सकिने सम्भावना पनि कमै छ । तर, ल्याइने पानीबाट आउने लेदो र यसले पु¥याउने क्षतिको भने कल्पना गरेर साध्य छैन । सरुङभित्र लेदो फोहोर सोहोर्न र त्यसको व्यवस्थापन गर्न निकै गाह्रो छ । अर्कोतिर यस्तो लेदो बोकेर बग्ने पानी खानका लागि उत्तम हुन सक्छ वा सक्दैन त्यो पनि सोचनीय बनेको छ ।

स्रोतमा पूरा पढ्नुहोस् (rajdhanidaily.com)