सत्यनिरुपण र बेपत्ता छानविन आयोगका पदाधिकारी सिफारिस समितिले थाल्यो काम

काठमाडौं । सङ्क्रमणकालीन न्यायसँग जोडिएका सत्यनिरुपण र बेपत्ता पारिएका व्यक्तिको छानविन आयोगका पदाधिकारी छनोटका लागि गठित सिफारिस समितिले काम थालेको छ ।

समितिको आइतबारको पूर्ण बैठक बसी काम सुरु गरेको सिफारिस समितिका सदस्य एवं प्रवक्ता डा. लीली थापाले जानकारी दिईन् । मन्त्रिपरिषद्को चैत ११ को बैठकले सिफारिस समिति गठन गरेको थियो । बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन, २०७१ को दफा ३ को उपदफा ३ बमोजिम सिफारिस समिति गठन भएको हो ।