इमरान सरकारको मिनी बजेटले पाकिस्तानलाई थप दयनीय मृत्युतर्फ धकेल्ने विपक्षीको आरोप

इस्लामावाद। पाकिस्तान मुस्लिम लीग नवाजका प्रमुख शाहबाज शरिफले प्रधानमन्त्री इमरान खान नेतृत्वको सरकारले ल्याएको मिनी बजेटले पाकिस्तानीलाई निकै दयनीय मृत्युमा पुर्‍याउने बताएका छन्। प्रधानमन्त्री खानले ल्याएको मिनी बजेटको विधेयकले विभिन्न क्षेत्रहरूमा कर वृद्धि गर्ने प्रस्ताव गरेको छ। उक्त विधेयक बिहीबार पाकिस्तानको संसद्बाट बहुमतले पारित भएको थियो।

नेशनल एसेम्बलीमा विपक्षी दलका नेता सरिफले प्रधानमन्त्री खानले देशलाई विकासतर्फ लैजाने भन्दै सङ्कटको समयमा मुलुकलाई विनाशतर्फ लैजाने गरी योजना अघि सारेको र गरिबहरूलाई मृत्युको मुखमा धकेल्ने काम गर्ने बताएको द न्यूज इन्टरनेशनलले जनाएको छ।