आत्मबलको महत्व

एकपटक महात्मा गान्धीको सेवाग्राममा केही पहलवान आए । उनीहरूले गान्धीसित आफ्ना केही खेल हेरिदिन अनुरोध गरे । गान्धीले भने– एक त मसित समय छैन, अर्कातिर देशलाई काम नलाग्ने कुरा हेर्न मलाई मन लाग्दैन । फेरि खेल देखाइसकेपछि तिमीहरूलाई इनाम चाहिन्छ होला, मैले कहाँबाट इनाम दिन सकुँला ? मसित तिमीहरूलाई दिने केही छैन । तैपनि, पहलवानहरूले गान्धीको कुरा नसुनी आफ्नो खेल देखाउन सुरु गरे ।

तीमध्ये एक पहलवानले हातले हिर्काएर ढुंगा फुटाए । यो देख्नासाथ गान्धीले भने– वाह ! तिम्रो शरीरमा कति धेरै बल रहेछ । तिमी हातले हिर्काएर ढुंगा फुटाउन सक्छौ । तर, मैले यस्तो प्रयास गरेँ भने मेरो त हातै भाँचिन्छ होला । पहलवानले भने– हजुरसित हामीसित नभएको अर्कै प्रकारको बल छ नि त, बापु !