७४ प्रतिशत मात्र राजस्व उठायो प्रचण्ड सरकारले, ओली सरकारलाई अर्थतन्त्र चलायमान बनाउने अवसर

सरकारले गत आव ०८०र८१ मा लक्ष्यको ७४.२९ प्रतिशत मात्र राजस्व असुली गर्न सकेको छ। महालेखा नियन्त्रक कार्यालयका अनुसार गत आर्थिक वर्षमा १४ खर्ब ७२ अर्ब ४८ करोड ४७ लाख राजस्व उठाउने लक्ष्य राखेको थियो। १० खर्ब ९३ अर्ब ९७ करोड ५९ लाख मात्र राजस्व उठेको छ।

१३ खर्ब पाँच अर्ब ४७ करोड ९६ लाख कर राजस्व उठाउने लक्ष्य रहेकामा ९ खर्ब ४४ अर्ब ५५ लाख ४८ हजार माात्र उठेको छ भने गैरकरतर्फ १ खर्ब १७ अर्ब ६ करोड लक्ष्य राखिएकोमा १ खर्ब १४ अर्ब ३४ करोड १६ लाख मात्र संकलन भएको छ ।