अवैध चिकित्सक अभ्यास नियन्त्रण कार्यविधि जारी

काठमाडौँ । नेपाल मेडिकल काउन्सिलले अवैध चिकित्सक अभ्यास नियन्त्रण कार्यविधि २०८३ जारी गरेको छ । काउन्सिलको बोर्ड बैठकले आधुनिक चिकित्साको नियमन गर्ने उद्देश्यले कार्यविधि जारी गरेको हो । कार्यविधि अनुसार गैर स्वास्थ्यकर्मीहरूले डाक्टर लेखी आधुनिक चिकित्सा अभ्यास गर्न पाइनेछैन ।

बोर्डका निमित्त रजिस्ट्रार डा.दीपेन्द्र पाण्डेले समग्र चिकित्सा क्षेत्रको नियमन गर्न कार्यविधि ल्याइएको बताए । डा.पाण्डेले भने, चिकित्सकले पनि आफ्नो आचारसंहिता उल्लङ्घन गरे कारबाही हुन्छ । यो कार्यविधिले चिकित्सा क्षेत्रलाई थप मजबुत बनाउन योगदान गर्नेछ ।’