ग्रामीण  भेगमा आँखासम्बन्धी समस्या बढ्दो

परासी — पूर्वी नवलपरासीको कावासोतीमा १ सय ३४ जनाको आँखा परीक्षण गर्दा ८७ जनामा समस्या देखा परेको छ । नियमित रूपमा आँखा परीक्षण नगर्ने र समस्या परेपछि मात्रै स्वास्थ्य संस्थामा जाने गर्दा आँखासम्बन्धी समस्या बढ्दो रहेको भेटिएको हो ।

कावासोती नगरपालिका र तीलगंगा आँखा प्रतिष्ठानसँगको सहकार्यमा रोटरी क्लब अफ कावासोतीले अग्यौली स्वास्थ्य चौकीमा आयोजना गरेको शिविरमा आँखा जाँच गर्दा यस्तो समस्या भेटिएको दृष्टि विशेषज्ञ प्रदीप भट्टराईले बताए ।