त्रिविको निर्देशनले विद्यार्थी संगठन समस्यामा

त्रिभुवन विश्वविद्यालय (त्रिवि)ले आफ्ना सबै आंगिक क्याम्पसलाई स्वतन्त्र विद्यार्थी युनियन (स्ववियु) को कार्यालय, संरचना तथा दलीय विद्यार्थी संगठनसँग सम्बन्धित सबै भौतिक संरचना ६० दिनभित्र हटाउन निर्देशन दिएको छ । यो निर्देशनले विद्यार्थी संघ–संगठन र स्ववियु खारेज हुने भएको छ ।

सर्वोच्च अदालतको अल्पकालीन आदेश विपरीत विश्वविद्यालयले स्ववियुको कार्यालय बन्द गर्ने निर्णय गरेपछि विद्यार्थी संगठन समस्यामा परेका छन् । विश्वविद्यालयले गरेको निर्णयलाई विद्यार्थीको मतबाट दुईबर्से कार्यकालको लागि विजयी भएका विद्यार्थी र त्यसको संगठनको उपहासको रुपमा लिन सकिन्छ ।