एक पदका लागि एउटै दलबाट दुई जनाको मनोनयन! समर्थक र प्रस्तावक नै उम्मेदवार हुन खोजेपछि आयोगलाई सकस

काठमाडौँ: स्थानीय तह निर्वाचनको उम्मेदवारी मनोनयन दर्ताको समय सकिएको ३ दिन बितिसक्दा पनि निर्वाचन आयोगले उम्मेदवारी उम्मेदवारको अन्तिम संख्या निकाल्न सकेको छैन।

वैशाख ११ र १२ गते मनोनयन दर्ता गर्ने कार्यतालिका थियो। १३ गते उम्मेदवारको विरोधमा उजुरी तथा १४ र १५ गते उजुरीमाथि जाँचबुझ/निर्णय तथा उम्मेदवारको नामावली प्रकाशनको अवधि तोकिएको थियो। १६ गते अन्तिम नामावली प्रकाशन र १७ गते उम्मेदवारलाई चुनाव चिन्ह प्रदान गर्ने तालिका रहेका थियो। तर, विभिन्न समस्याका कारण सबै ठाउँका उम्मेदवारको विवरण संकलन अझै भइनसकेको निर्वाचन आयोगले जनाएको छ।