फराकिलो जित निकाल्दै बार्सिलोना शीर्षस्थानमा, ला लिगामा केके भयो?

स्पेनिस ला लिगा अन्तर्गत गएराति सम्पन्न खेलमा बार्सिलोनाले कार्डिजलाई हराएको छ। स्टेडियो नुएभो मिरनडिल्लामा सम्पन्न खेलमा बार्सलोनाले घरेलु टोलीमाथि ४-० को फराकिलो जित निकालेको हो।

पहिलो हाफ गोलरहित बराबरीमा रोकिएको खेलको ५५ औं मिनेटमा फ्रेन्की डी जोङले गोल गर्दै बार्सिलोनालाई अग्रता दिलाएका थिए। त्यस्तै ६५ औं मिनेटमा रोबर्ट लेवान्डोस्कीले गोल थप्दै अग्रता दोब्बर बनाए। लेवान्डोस्कीकै पासमा ८६ औं मिनेटमा अंशु फाटी र इन्जुरी समयमा ओस्माने डेम्बेलेले गोल गर्दाा बार्सलोनाले ४-० को फराकिलो जित निकाल्यो। खेलका क्रममा एक जना समर्थकलाई 'मेडिकल इमर्जेन्सी' पर्दा खेल लामो समय प्रभावित समेत बनेको थियो।