मुम्बईविरुद्ध बैंग्लोर ८ विकेटले विजयी, विराट र फाफको सानदार ब्याटिङ

भारतमा जारी १६ औँ संस्करणको इण्डियन प्रिमियर लिग (आइपिएल) मा रोयल च्यालेन्जर्स बैंग्लोरले विजयी सुरुवात गरेको छ । गएराति सम्पन्न खेलमा पाँचपटकको विजेता मुम्बई इण्डियन्सलाई ८ विकेटले हराउँदै बैंग्लोरले विजयी सुरुवात गरेको हो ।

मुम्बईले दिएको १ सय ७२ रनको लक्ष्य बैंग्लोरले १६.२ ओभरमा २ विकेट गुमाएर भेट्टायो । उसका लागि विराट कोहली र कप्तान फाफ डुप्लेसिसले उत्कृष्ट पारी खेले । ४९ बलको सामना गरेका कोहलीले ६ चौका र ५ छक्कासहित अविजित ८२ रन बनाए ।