दश खेलाडीमा समेटिएको मिलानमाथि चेल्सीको जित

यूईएफए च्याम्पियन्स लिग अन्तर्गत गएराति सम्पन्न समूह 'ई' को खेलमा इङ्ग्लिस क्लब चेल्सीले इटालियन क्लब एसी मिलानलाई हराएको छ। सन सिरो स्टेडियममा सम्पन्न खेलमा चेल्सीले घरेलु टोलीमाथि २-० गोलको जित निकालेको हो।

खेलको १८ औं मिनेटमै एसी मिलानका डिफेन्डर फिकायो टोमरीले म्यासन माउन्टमाथि फउल गर्दै रेडकार्ड ब्यहोरेपछि घरेलु टोली १० खेलाडीमा सीमित भएको थियो। लगत्तै पाएको पाएको पेनाल्टीको अवसर सदुपयोग गर्दै जोर्गिन्होले चेल्सीलाई अग्रता दिलाए। त्यस्तै ३४ औं मिनेटमा पिअरे एम्रिक औबुमेयाङले गोल गर्दा चेल्सी २-० ले अघि रह्यो।