कारागार फर्कन बन्दीहरूलाई विभागको आग्रह

काठमाडौं । कारागार व्यवस्थापान विभागले देशभरका विभिन्न कारागार तथा बाल सुधारगृहबाट बाहिर निस्किएका बन्दी तथा बालबिज्याइकर्तालाई अविलम्ब फर्किन आग्रह गरेको छ ।

विभागका निर्देशक चोमेन्द्र न्यौपानेले बिहीबार एक विज्ञप्तिमार्फत आफू बसेको कारागार वा बाल सुधारगृहमा फर्कन वा नजिकको प्रहरी कार्यालयको सम्पर्कमा आउन आग्रह गरेका छन् ।