तोडफोड र आगजनी गरिएका कार्यालयको सेवा ठप्प

लुम्बिनी — जेनजी प्रदर्शनका क्रममा लुम्बिनी प्रदेशका रूपन्देही, पश्चिम नवलपरासी, कपिलवस्तु, दाङ, बाँके र बर्दियामा सरकारी र निजी भौतिक संरचनामा आगजनी र तोडफोड गरिएको छ । आगजनीका कारण भवन, आवश्यक कागजात, फर्निचर र सवारीसाधन जलाइएको छ ।

भौतिक पूर्वाधारमा क्षति पुगेका कारण बिहीबारसम्म सेवा प्रवाह सामान्य बन्न सकेको छैन । त्रासका कारण जनप्रतिनिधि र कर्मचारी सुरक्षित स्थानमा बसेका छन् । जसले गर्दा कार्यालय सुनसान बनेका छन् ।