नेपाली संगीतका शब्द शिल्पी भैरवनाथ रिमाल

गीत संगीतको कुरा गर्दा गायक गायिकाको आवाजको चर्चा हुन्छ। संगीतकारको सङ्गीतको जादु र घनत्वको चर्चा हुन्छ। तर गीतकारको चर्चा कमै हुन्छ। भारतमै फिल्मको गीतहरू प्रसारण गर्दा गीतकारको नाम नभन्ने हो भने हामी गीत दिन तयार छैनौँ भनेर चर्चित गीतरकार साहिर लुधियानवीले आवाज उठाएपछि प्रसार भारतीले बल्ल गीतकारको नाम दिन सुरु गरेको थियो। यो कुरा ५० को दशक पछिको हो। नेपालमा पनि कयौँ गीतकारका गीत चर्चित हुन्छन् तर गीतकारको नाम थाहा हुँदैन। ‘जुन फूल मैले चाहेको थिएँ कसैले टिपेछ’ नारायण गोपालको स्वर सबैलाई थाहा छ। तर गीतकारको नाम थाहा हुँदैन।