शिक्षक आन्दोलनको प्रभाव : विद्यार्थीहरु निजीमा भर्ना हुन थालेपछि रोक्नलाई पाठ्यपुस्तक वितरण

बैतडी । शिक्षक आन्दोलनका कारण सामुुदायिक विद्यालय बन्द छन् । पढाई विग्रने डरले कतिपय विद्यार्थीहरू निजी विद्यालय भर्ना हुन थालेका छन् । विद्यार्थी रोक्न बैतडीको एक सामुदायिक विद्यालयले नयाँ शैक्षिक सत्रका लागि पुस्तक वितरण गरेको छ ।

जिल्लाको पाटन नगरपालिका–९ हुक्केडाँडास्थित सिद्धेश्वर माविले विश्व पुस्तक दिवसका अवसरमा विद्यार्थीहरुलाई शैक्षिक सत्र २०८२ का लागि नयाँ पाठ्यपुस्तक गरेको हो । शैक्षिक सत्र सुरु भएको डेढ हप्ताभन्दा बढी भइसके पनि शिक्षकहरूको आन्दोलनका कारण भर्ना अभियान सञ्चालन हुन सकेको छैन । यसले विद्यार्थीको पढाइ बिग्रने चिन्तासहित पुस्तक वितरण गरिएको विद्यालय व्यवस्थापन समितिका अध्यक्ष प्रेमसिंह भाटले बताए ।