विज्ञापन बजार सुधार्न नियमावली संशोधन

काठमाडौं : नेपाल सरकार मन्त्रिपरिषद्को मंगलबार बसेको बैठकले विज्ञापन नियमावलीको पहिलो संशोधन २०८० पारित गरेको छ। विज्ञापन नियमन गर्ने नियमावली २०७७ को पहिलो संशोधन मन्त्रिपरिषद्बाट पारित भएको संचार मन्त्रालयका सहसचिव एवं प्रवक्ता नेत्रप्रसाद सुवेदीले जानकारी दिए।

विज्ञापन बोर्ड नेपालले ५ महिनाअघि नियमावलीमा संशोधन सहितको प्रस्ताव सूचना तथा संचार मन्त्रालयमा पेश गरेको थियो। मन्त्रालयबाट अर्थ र कानुन हुँदै मन्त्रिपरिषद्को विधेयक समितिमा उक्त प्रस्ताव पेश गरिएको थियो। विधियक समितिबाट पास भएको संशोधित नियमावलीलाई मन्त्रिपरिषद्ले पास गरेको हो।