गाजाका लाखौं बालबालिका कुपोषणको सिकार, राहत वितरणमा इजरायलको व्यवधान

काठमाडौं- हुदा अबी लेलाले आफ्ना ५ सन्तानलाई बिहानको समयमा चिया र पाउरोटी मात्र खुवाउने गरेकी छन् । यो क्रम चलेको महिनौं भइसक्यो । अहिले इजरायलले गाजामा खाद्यान्नमाथि प्रतिबन्ध लगाएपछि ३० वर्षीया उनको कठिनाइ अझ थपिएको छ ।

इजरायलले गाजामा आक्रमण सुरु गरेको ३ वर्ष भइसकेको छ । यस ३ वर्षको अन्तरालमा थुप्रै दुःखद घटना भएका छन् । संयुक्त राष्ट्रसङ्घलगायत निकायले त्यहाँको घटनालाई नरसंहारको संज्ञा दिइसकेको छ । गाजामा दुखान्त घटनाका हजारौं शृङ्खला छन् । यी हजारौं शृङ्खलामा लेलाले भोगेको समस्या पनि एउटा हो ।