नेपाल सरकारका वेबसाइट डाउन गराउने पीएचपी के हो ?

काठमाडौं । वेबसाइट निर्माणमा व्यापक रूपमा प्रयोग हुने प्रोग्रामिङ भाषा पीएचपीमा भेटिएका गम्भीर सुरक्षा कमजोरीले विश्वभरका करिब तीन करोड वेबसाइट प्रभावित हुन सक्ने भन्दै साइबर सुरक्षा विज्ञहरूले चेतावनी दिएका छन् । यी कमजोरीको दुरुपयोग भए वेबसाइटका सर्भरमा अनधिकृत पहुँच कायम गर्ने, संवेदनशील तथ्यांक चोरी गर्ने तथा संस्थाका आन्तरिक प्रणालीमा प्रवेश गर्ने जोखिम बढ्न सक्छ ।

बेलायती साइबर सुरक्षा विज्ञ तथा युनिभर्सिटी अफ सरेको सेन्टर फर साइबर सेक्युरिटीका प्राध्यापक एलन वुडवर्डका अनुसार, सुरक्षा कमजोरीको फाइदा उठाएर आक्रमणकारीले वेबसाइटको सर्भरमा आफ्नै कोड चलाउन सक्ने अवस्था सिर्जना हुन सक्छ ।