प्रदेश स्याउ विकास बोर्ड स्थापना गर्न राय माग

काँक्रेविहार (सुर्खेत), जेठ ३ गते । कर्णाली प्रदेश सरकारले प्रदेश स्याउ विकास बोर्ड स्थापना गर्न छलफल सुरु गरेको छ । साविक कर्णालीका प्रदेशसभा सदस्यहरूसँग छलफल सुरु भएको भूमि व्यवस्था, कृषि तथा सहकारीमन्त्री तथा सरकारका प्रवक्ता विनोदकुमार शाहले जानकारी दिनुभयो ।

उहाँले भन्नुभयो, “कर्णाली प्रदेश स्याउ विकास बोर्ड स्थापना र सञ्चालन सम्बन्धमा व्यवस्था गर्न बनेको विधेयकमाथि विचार तथा सुझाव सङ्कलन गर्ने काम भएको छ । यसलाई किसानमैत्री, जनजीविकाको सवाललाई उच्चतम रूपमा सम्बोधन गर्न सुझाव आएका छन् ।”