निर्वाचनमा खटिने मतदान र सहायक मतदान अधिकृतलाई तालिम

तनहुँ । यही फागुन २१ गते हुने प्रतिनिधिसभा सदस्य निर्वाचनका लागि मतदान र सहायक मतदान अधिकृतलाई सोमबारदेखि तालिम सुरु गरिएको छ । मुख्य निर्वाचन अधिकृतको कार्यालयले तनहुँ क्षेत्र नं १ र २ का मतदानस्थलमा खटिने मतदान र सहायक मतदान अधिकृतलाई तालिम दिन सुरु गरेको हो ।

तालिमको पहिलो दिन आज निर्वाचन क्षेत्र नं १ अन्तर्गत ६९ मतदानस्थलका १५३ मतदान केन्द्रका मतदान र सहायक मतदान अधिकृतलाई तालिम प्रदान गरिएको जिल्ला निर्वाचन अधिकारी विकास लम्सालले जानकारी दिए । तालिमको दोस्रो दिन मङ्गलबार क्षेत्र नं २ अन्तर्गत ७५ मतदानस्थलका १५६ मतदान केन्द्रका कर्मचारीलाई तालिम प्रदान गरिनेछ ।