लुम्बिनीमा कांग्रेसले सांसदलाई प्रशिक्षण दिने

बुटवल । नेपाली कांग्रेसले लुम्बिनी प्रदेशका सांसदहरुलाई प्रशिक्षण दिने भएको छ । आज कांग्रेस लुम्बिनी प्रदेश प्रशिक्षण विभागको पहिलो बैठकले सो निर्णय गरेको हो । बैठकले प्रदेश सांसद,तथा स्थानीय तहका प्रमुख उप प्रमुखहरूदेखि युवा,तथा विद्यार्थी सम्मलाई प्रशिक्षण दिने निर्णय गरेको छ।

पार्टीको सिद्धान्त,अनुशासन,राजनीतिक एवं सामाजिक विषयमा प्रशिक्षण दिने निर्णय भएको प्रदेश उपसभापति एवं प्रशिक्षण विभागका संयोजक भुवनप्रसाद श्रेष्ठले जानकारी दिए । उनले पार्टीका युवा तथा विद्यार्थीलाई समेत राजनीति तथा स्वरोजगारको प्रशिक्षण दिने निर्णय भएको जानकारी दिए ।