मेरो नाममा सामाजिक सञ्जालमा नक्कली पेज खोलिएका छन्, रिपोर्ट गरिदिनुहोला: पत्रकार चापागाईं

काठमाडौँ । पत्रकार एवं युट्युब कार्यक्रम ‘हेर्ने कथा’ की प्रस्तोता विद्या चापागाईंले आफ्नो नाम र तस्बिर दुरुपयोग गरी सामाजिक सञ्जालमा खोलिएका नक्कली पेज तथा ग्रुपहरूबाट सचेत रहन सर्वसाधारणलाई आग्रह गरेकी छन् ।

सोमबार फेसबुकमा एक पोस्ट राख्दै उनले फेसबुक, टिकटक लगायतका प्लेटफर्ममा आफ्नो परिचय प्रयोग गरेर भ्रामक सूचना फैलाउने कार्य भइरहेको जानकारी दिइन् ।