निर्वाचन आचारसंहिता पालना गर्न सर्वदलीय सहमति

जुम्ला । यही फागुन २१ गते हुने प्रतिनिधिसभा सदस्यको निर्वाचन आउन ९ दिन बाँकी भएसँगै जुम्लामा निर्वाचन आचारसंहितालाई कडाइका साथ पालना गर्न सर्वदलीय सहमति भएको छ । जिल्ला प्रशासन कार्यालयमा सोमबार बसेको सर्वदलीय बैठकले आचारसंहिता पूर्ण रूपमा पालना गर्न/गराउनका लागि राजनीतिक दलसहित सरोकार भएका सबै पक्षले प्रतिबद्धता जनाएका छन् ।

बैठकमा सहभागीहरूले निर्वाचन आयोगले जारी गरेको आचारसंहिता पूर्ण रूपमा पालना गर्ने प्रतिबद्धता जनाएका बताउँदै शान्ति सुरक्षा र शान्त वातावरणमा निर्वाचनलाई सफल पार्नका लागि सबै सरोकार भएका निकायको महत्त्वपूर्ण भूमिका रहने प्रमुख जिल्ला अधिकारी दीपक पौडेलले जानकारी दिए ।