सिटीको जीतविहीन यात्रामा पूर्णविराम

म्यानचेस्टर । लुटनविरुद्ध पुनरागमन गर्दै म्यानचेस्टर सिटीले प्रिमियर लिगमा चार खेलको जीतविहीन यात्रा अन्त्य गरेको छ । आइतबार एक गोलले पछि परेको स्थिति उल्टाउँदै सिटी २–१ गोलले विजयी बनेको हो ।

पहिलो हाफको अतिरिक्त समयमा इलिजा अडेबायोले लुटनलाई अप्रत्याशित अग्रता दिलाएका थिए । तर, दोस्रो हाफमा तीन मिनेटको अन्तरमा दुई गोल गर्दै सिटी खेलमा फर्कियो । ६२ औँ मिनेटमा बर्नार्डो सिल्भाले बराबरी गोल गरे भने लगत्तै ज्याक ग्रिलिसले अर्को गोल थप्दै टोलीलाई जीत दिलाए । क्लब करियरमा ग्रिलिसको यो ५० औँ गोल पनि थियो ।