बेलिङ्घम र एमबाप्पेको गोलमा रियल म्याड्रिडको सहज जित

काठमाडौँ । ला लिगा अन्तर्गत आइतबार सम्पन्न खेलमा रियल म्याड्रिडले सेभिल्लामाथि २-० को महत्त्वपूर्ण जित हात पारेको छ । घरेलु मैदानमा भएको खेलमा म्याड्रिडका लागि जुड बेलिङ्घम र किलियन एमबाप्पे नायक बने ।

खेलको ३८औँ मिनेटमा बेलिङ्घमले उत्कृष्ट फिनिस गर्दै रियल म्याड्रिडलाई अग्रता दिलाए । दोस्रो हाफमा सेभिल्ला ६८औँ मिनेटमा मार्कोस दो नासिमेन्टो टेक्सेइराले रातो कार्ड पाएपछि १० खेलाडीमा सीमित हुन पुग्यो ।