खोजी र निगरानीमा ड्रोनको प्रयोग

नेपालमा खोजी कार्यमा ड्रोन क्यामेराको प्रयोगले नयाँ आयामको ढोका खोलेको छ । यसले नेपालको सन्दर्भमा सूचना प्रविधिमा नयाँ प्रयोग मात्र नभएर समाज विकासको क्रमलाई पनि अघि बढाएको छ ।

त्रिशूलीमा खसेका दुईवटा बस तथा त्यसमा सवार यात्रुको खोजीमा यसको प्रयोग गरिएको छ । ड्रोन क्यामेराको प्रयोगबाट लाभ पनि भएको छ । बसका भग्नावशेष तथा यात्रुका शव भेटिइरहेका पनि छन् । गोताखोरको भूमिका पनि निकै सराहनीय छ । उर्लंदो पानीको बहाव र वेगमा पनि यी कार्य जारी छन् ।