[अन्तवार्ता] हाम्रो आन्दोलन रोकिएको होइन, स्थगित भएको हो : रुबी खान

हिजो राति १२ बजेदेखि मैले आमरण अनशन सुरु गरेँ । साथीहरुसँग बसेर छलफल गरिरहेका थियौँ । छलफलका क्रममा अब आन्दोलनको स्वरुप परिवर्तन गरेर आमरण अनशनमा जानुपर्छ भन्ने भयो । सबैजना बस्ने कुरा भयो । तर, सबैजसो नै बिरामी भएकाले तत्काल म सुरुवात गर्छु, केही दिन हेरौँ अनि बिस्तारै अरु साथीहरु पनि बसौँला भनेर प्रस्ताव राखेँ । र, १२ बजेबाट आमरण अनशन थालियो । कि हाम्रो प्राण लेऊ कि न्याय देऊ सरकार ! भन्दै आमरण अनशन सुरु गरेका थियौँ ।

मैले सामाजिक सञ्जालमा स्टाटस राख्नेबित्तिकै डा. गोविन्द केसी, मानवअधिकारकर्मी तथा अधिवक्ता मोहना अन्सारीज्यू लगायतले चासो देखाउनुभयो । र, हामी गृह मन्त्रालयसँग गम्भीर भएर छलफल गर्छौं भन्नुभयो ।