मस्को नजिक युक्रेनको ड्रोन दुर्घटना, रुस भन्छ- आक्रमणको असफल प्रयास

१७ फागुन, काठमाडौं । युक्रेनले रुसको राजधानी मस्को नजिक ड्रोनमार्फत् आक्रमणको प्रयास गरेको रुसी अधिकारीहरुले दाबी गरेका छन् ।

राजधानी मस्को नजिकको एक गाउँमा एउटा ड्रोन सोमबार मध्यरात दुर्घटनाग्रस्त अवस्थामा फेला परेको थियो । त्यो ड्रोन युक्रेनमा बनेको पाइएको छ । तर त्यसबाट कुनै क्षति भने भएको छैन । रुसले यो घटनालाई युक्रेनले गरेको आक्रमणको असफल प्रयास भनेर टिप्पणी गरेको छ ।