प्रधानाध्यापक जसले ल्याए फरक शैलीको राइड सेयरिङ एप

तपाईंहरू राइड सेयरिङ एप प्रयोग गर्नु हुन्छ भने याद गर्नुभएको होला — दुईपांग्रे होस् वा चारपांग्रे, अधिकांश सवारीसाधन पेट्रोलबाट चल्ने छन्।

धेरैजसोले पेट्रोल सवारीसाधन प्रयोग गरिरहँदा हालै बजारमा आएको 'इ–ड्राइभ' ले भने फरक तरिका अपनाएको छ। यसले बिजुलीबाट चल्ने ट्याक्सीमार्फत सेवा दिइरहेको छ। गत कात्तिक अन्तिम सातादेखि सेवा सुरू गरेको यो कम्पनीको एपमा आवद्ध सबै ट्याक्सी विद्युतीय छन्।