नेताहरूलाई भनेको होइन 

एउटा खुसीको लहर आयो र स्वाट्टै चोर समाजमा छायो । चोरहरू नेतृत्वविहीन थिए । चार्ल्स शोभराज पनि फ्रान्स फर्किसक्यो । उसको ठाउँ नेतृत्वमा त थिएन, तर एउटा भरोसा थियो—ठगहरूले बेताज बादशाह उसलाई मान्दा हुने । तर, त्यो सम्भावना पनि समाप्त भयो ।

योबीचको अन्योलमा एक वरिष्ठ हितैषीको सुझाउ आयो, पीएमले रात्रिकालमा उद्घाटन गर्दा हुन्छ । दिउँसोको उद्घाटनमा लागेर मुलुकका समस्या अल्झोमा परे भनियो । कामै नगर्ने भएपछि उद्घाटनलाई पनि एउटा राष्ट्रिय काम मान्दा हुने हो भन्नेहरू पनि थिए ।