भारतको सहयोगमा निर्मित मदन भण्डारी स्मृति कलेज हस्तान्तरण

काठमाडौं । नेपालका लागि भारतीय राजदूत नवीन श्रीवास्तवले भारत सरकारको आर्थिक सहयोगमा काठमाडौंस्थित मदन भण्डारी स्मृति कलेजका लागि निर्मित कलेज भवन सोमबार कलेज व्यवस्थापन समितिलाई हस्तान्तरण गरे । सो हस्तान्तरण समारोहमा नेपाल सरकारका पूर्वपरराष्ट्रमन्त्री एवं कलेज व्यवस्थापन समितिका अध्यक्ष महेन्द्रबहादुर पाण्डे, मदन भण्डारी फाउन्डेसनका अध्यक्ष श्रीमती उषाकिरण भण्डारी र काठमाडौं जिल्ला समन्वय समितिका अध्यक्ष सन्तोष बुढाथोकीको सहभागिता रहेको थियो ।

‘नेपाल–भारत विकास सहकार्य’अन्तर्गत यस कलेज भवनको निर्माण उच्च प्रभाव सामुदायिक विकास परियोजनाका रूपमा कुल २.८६४ करोडको लागतमा भएको हो ।