एनसीसी क्रिकेटको उपाधि काठमाडौंलाई

काठमाडौं । काठमाडौं जिल्ला क्रिकेटले एनसीसी महिला तथा पुरुष टी२० क्रिकेट प्रतियोगिताको महिलातर्फको उपाधि जितेको छ।

शनिबार सम्पन्न फाइनलमा काठमाडौंले ललितपुर जिल्लालाई सुपर ओभरमा ८ रनले पराजित गर्दै उपाधि जितेको हो। ललितपुरले दिएको १३२ रनको लक्ष्य पछ्याएको काठमाडौंले ९ विकेट गुमाउँदै १३१ रन नै बनायो। त्यसपछि खेल सुपर ओभरमा गएको थियो।