च्याम्पियन्स लिगमा आर्सनल, रियल म्याड्रिड र बायर्नको विजयी यात्रा

काठमाडौँ । युरोपेली महिला फुटबलको प्रतिष्ठित प्रतियोगिता यूईएफए महिला च्याम्पियन्स लिगको दोस्रो खेल सप्ताहमा आर्सनल, रियल म्याड्रिड र बायर्न म्युनिखले जित दर्ता गरेका छन् ।

नेपाली समयअनुसार शुक्रबार बिहान सम्पन्न तीन रोमाञ्चक खेलहरूमध्ये पहिलोमा रियल म्याड्रिडले पेरिसलाई २–१ गोलले पराजित गर्‍यो। म्याड्रिडका लागि नाओमी फेलरले २९औँ मिनेटमा र आल्बा रेडोन्डोले पहिलो हाफको इन्जुरी समयमा गोल गरिन। पेरिसका लागि राशिदात आजिबाडेले ५७औँ मिनेटमा सान्त्वना गोल फर्काइन्।