राष्ट्रिय वाणिज्य बैंकको इन्टरनेट बैंकिङ सेवा बन्द हुँदै, ग्राहकलाई ‘RBB Digital Sansar’ प्रयोग गर्न आग्रह

काठमाडौं । राष्ट्रिय वाणिज्य बैंक लिमिटेडले आफ्नो RBB Internet Banking सेवा बन्द गर्ने जानकारी दिएको छ । बैंकले सार्वजनिक गरेको सूचनाअनुसार २०८३ साल असार मसान्तदेखि इन्टरनेट बैंकिङ सेवा बन्द हुने भएको हो ।

बैंकले हाल इन्टरनेट बैंकिङमार्फत उपलब्ध अधिकांश बैंकिङ सेवाहरू अब RBB Mobile Banking (Digital Sansar) बाट सहज रूपमा प्रयोग गर्न सकिने जनाएको छ । ग्राहकलाई आवश्यक बैंकिङ कारोबारका लागि ‘RBB Digital Sansar’ प्रयोग गर्न बैंकले अनुरोध गरेको छ ।