११ देशका राजदूत फिर्ता बोलाइयो

काठमाडौं । सरकारले विभिन्न ११ देशमा रहेका नेपाली राजदूत फिर्ता बोलाउने निर्णय गरेको छ । अघिल्लो सरकारले नियुक्त गरेका राजदूतहरू फिर्ता बोलाई नयाँ राजदूत नियुक्त गरी जेनजी भावनाअनुसारको कूटनीतिक सन्देश दिन राजदूत फिर्ता बोलाइएको सरकारको भनाइ छ ।

बिहीबार बसेको मन्त्रिपरिषद् बैठकले बेलायत, अमेरिका, चीन, रुस, जापान, मलेसिया, स्पेन, साउदी अरब, इजरायल, जर्मनीमा रहेका राजदूतहरूलाई २० कात्तिकभित्र फर्किसक्न निर्देशन दिने निर्णय गरेको सूचना तथा सञ्चारमन्त्री एवं सरकारका प्रवक्ता जगदीश खरेलले जानकारी दिए ।