फलेवास साहित्य महोत्सवमा जलवायु परिवर्तन र कालीगण्डकी बेसिनका चुनौतीबारे विमर्श

फलेवास, पर्वत । पर्वतको फलेवास नगरपालिका–खानीगाउँस्थित भवन पोखरा पार्कमा तीन दिनसम्म सञ्चालन भएको पहिलो फलेवास लिटरेचर फेस्टिभल (साहित्य महोत्सव) मा कालीगण्डकी बेसिनमा जलवायु परिवर्तनले पार्ने प्रभाव, सम्भावित चुनौती तथा प्राकृतिक स्रोतको दिगो व्यवस्थापनबारे विशेष विमर्श गरिएको छ।

२०८३ साल असोज ३० र ३१ तथा कात्तिक १ गतेसम्म आयोजित महोत्सवमा साहित्य, कला, संस्कृति र विकासका विविध विषयमा छलफल तथा अन्तरक्रिया गरिएको थियो। पोखराबाहिर गण्डकी प्रदेशमा आयोजना गरिएको पहिलो साहित्य महोत्सवका रूपमा प्रस्तुत यस कार्यक्रमले स्थानीय प्रतिभा, मौलिक संस्कृति र विकासका सवाललाई एउटै मञ्चमा जोडेको छ।