नेपाल युथ गेम्स हुने

काठमाडौं । सार्थक खेल संसारको आयोजनमा नेपाल युथ गेम्स आगामी मंसिर १३ देखि २० गतेसम्म हुने भएको छ । काठमाडौंमा हुने प्रतियोगितामा १५ वर्षमुनिका खेलाडीले सहभागिता जनाउन पाउने भएछन् ।

प्रतियोगितामा फुटबल, बास्केटबल, भलिबल, क्रिकेट, एथलेटिक्स र इ–स्पोर्टस गरी ६ खेलमा प्रतिस्पर्धा हुनेछ । कार्यक्रमको उद्देश्य नवप्रतिभाको पहिचान र खेलकुदको विकासमा योगदान पुर्‍याउनु रहेको आयोजकले जनाएको छ ।