तिब्बतमा ७ म्याग्निच्युडको भूकम्प : १६ को मृत्यु, ३२ घाइते; परकम्पको शृङ्खलाले जनजीवन त्रसित

प्राकृतिक विपद्को चपेटामा परेको चिनियाँ स्वायत्त क्षेत्र तिब्बतमा गएको ७ म्याग्निच्युडको शक्तिशाली भूकम्पले ठूलो मानवीय क्षति पुर्‍याएको छ। दुर्गम भौगोलिक बनावट रहेको उक्त क्षेत्रमा गएको प्रलयकारी भूकम्पका कारण १६ जनाले ज्यान गुमाएका छन् भने ३२ जना गम्भीर रूपमा घाइते भएका छन्। अचानक आएको यस विपद्ले स्थानीय बासिन्दाहरूमा ठुलो त्रास र अनिश्चितता उत्पन्न गराएको छ।

चीनको सरकारी समाचार संस्था सिन्ह्वा र राष्ट्रिय भूकम्प विज्ञान केन्द्रका अनुसार मुख्य भूकम्पपछि त्यस क्षेत्रमा परकम्पहरूको बाक्लो शृङ्खला रेकर्ड गरिएको छ। केन्द्रको तथ्याङ्कअनुसार अक्टोबर २२ को रातिदेखि अक्टोबर २३ को मध्यरात १२ बजेर ५१ मिनेटसम्म तिब्बत, चीनका अन्य क्षेत्र र म्यानमारसहित कुल १८ वटा भूकम्पीय घटना अभिलेख गरिएका छन्।