दिल्लीलाई उछिन्दै गुजरात आईपीएलको शीर्ष स्थानमा

काठमाडौं । लगातार चौथो जित निकाल्दै गुजरात टाइटन्स इन्डियन प्रिमियर लिग (आईपीएल) अंक तालिकाको शीर्ष स्थानमा उक्लिएको छ । पहिलो खेलमा पञ्जाब किङ्ससँग ३६ रनले स्तब्ध हुँदै हारबाट सिजनको सुरुवात गरेको गुजरात त्यसपछिका चार खेलमा शतप्रतिशत जित निकाल्दै आठ अंक जोडेर तालिकाको शीर्ष स्थानमा उक्लिएको हो ।

आफ्नो पाँचौ खेलमा गुजरात ५८ रनले विजयी भयो । नरेन्द्र मोदी स्टेडियममा टस हारेर पहिले व्याटिङ गरेको गुजरातले राजस्थान रोयल्ससामु २१८ रनको चुनौति पेश गरेको थियो । तर, राजस्थान १९ ओभर २ बलमा अलआउट हुँदै १५९ रन मै समेटियो । राजस्थानका लागि शिमरोन हेटमायरले सर्वाधिक ५२ रन बनाए ।