अमेरिकाको एक ल्याबमा साइबर आक्रमण, बिरामीका विवरण चोरी भएको आशंका

शिकागो - अमेरिकाको चिकित्सा प्रयोगशाला सेवा प्रदायक कम्पनी क्वेस्ट डाइग्नोस्टिक्सले आफ्नो एउटा प्रणालीमा साइबर आक्रमण भएको र त्यसबाट बिरामीका केही विवरणमा अनधिकृत पहुँच पुगेको आशंका गरेको छ।

कम्पनीले बिहीबार नियामक निकायमा पेस गरेको विवरणअनुसार, यसको क्वानम ल्याब सर्भिसेज म्यानेजर प्रणालीमा अनधिकृत पहुँच भएको पाइएको हो। उक्त प्रणालीमार्फत केही ग्राहकले प्रयोगशालामा परीक्षणका लागि अनुरोध पठाउने तथा परीक्षणको नतिजा प्राप्त गर्ने वा हेर्ने गर्छन्।