नेपालमा भ्रष्टाचार गरेर विदेशमा घर र करोडको बीमा- बैंक खातामै यसरी हुन्छ ठूल्ठूलो डिल !

नेपालमा भ्रष्टाचार गरेर कमिसनको रकम विदेशका बैंकमा जम्मा गर्ने प्रवृत्ति देखिएको छ । सूचना प्रविधिका उपकरण खरिददेखि नोट छपाइ र जग्गा कारोबारसम्मका विभिन्न प्रकरणले सार्वजनिक पदमा बसेका व्यक्तिले नेपालमा ठेक्का मिलाउने तर घुसको रकम विदेशमै व्यवस्थापन गर्ने गरेको देखाएका हुन् ।

यसरी हुने कारोबारमा घुसको रकम नेपाल भित्र्याउनै पर्दैन । विदेशी कम्पनीबाट विदेशकै बैंक खातामा रकम जम्मा गराउने, आफन्तका नाममा खाता सञ्चालन गर्ने वा त्यही रकमबाट विदेशमा घर तथा बीमाजस्ता सम्पत्ति जोड्ने गरेको अनुसन्धानमा खुलेको हो ।