दुई महिनामै बदलियो एएफसीको धारणा, फिफा अध्यक्षमा इन्फान्टिनोलाई समर्थन गर्ने

एसियाली फुटबल महासंघ (एएफसी) ले फिफा अध्यक्ष जियानी इन्फान्टिनोलाई आगामी कार्यकालका लागि पुनः निर्वाचित गराउन समर्थन गर्ने घोषणा गरेको छ।

एएफसी अध्यक्ष शेख सलमान बिन इब्राहिम अल खलिफाले शुक्रबार टोकियोमा आयोजित महासंघको असाधारण सम्मेलनमा इन्फान्टिनोको नेतृत्वप्रति समर्थन जनाउँदै एसियाली फुटबल परिवार उनको पक्षमा एकजुट भएर अघि बढ्न तयार रहेको बताएका हुन्।