‘रेडियो कान्तिपुर नेसनल म्युजिक अवार्ड २०८२’ असार २६ मा हुने

काठमाडौं । ‘रेडियो कान्तिपुर नेसनल म्युजिक अवार्ड २०८२’ को आठौंं संस्करण असार २६ गते शुक्रबार आयोजना हुने भएको छ । १४ विधासहित लाइफटाइम अचिभमेन्ट र यसवर्ष उत्कृष्ट प्रस्तुति दिने एक संगीतकर्मीलाई पुरस्कृत गरिने जनाइएको छ ।

आयोजित पत्रकार सम्मेलनमा जनाइएअनुसार, कार्यक्रम पुल्चोकस्थित द प्लाजामा हुनेछ । सो अवसरमा हुने कन्सर्टमा जोन एण्ड द लोकल्सदेखि दीपक बज्राचार्यसहित उजन साक्य, समृद्धि राई, मन्त्र ब्याण्ड, शिव परियार, यमन श्रेष्ठ, सलिना बिक, सजिश श्रेष्ठ, कमेडियन प्रभात लामा र कर्मा सिङ लामाको प्रस्तुति रहनेछ ।