सुमनाले भनिन्: जेन-जीको संघर्षलाई सलाम, यो सुरुवात मात्र हो, बाटो लामो छ

राष्ट्रिय स्वतन्त्र पार्टी (रास्वपा) की नेतृ सुमना श्रेष्ठले हालको परिवर्तन एक सुरुवात मात्र भएको र देश निर्माणको लामो बाटो हिँड्न अझै बाँकी रहेको बताएकी छन्।

नवनियुक्त प्रधानमन्त्री सुशीला कार्कीको शपथ ग्रहण समारोहमा भौतिक रूपमै उपस्थित भएर फर्केपछि नेतृ श्रेष्ठले सामाजिक सञ्जालमार्फत यस्तो धारणा राखेकी हुन्। उनले देशको पहिलो महिला प्रधानमन्त्रीलाई बधाई दिँदै ऐतिहासिक परिवर्तनको श्रेय जेन-जीलाई दिइन्।