हानि नोक्सानी कोषबाट नेपाललाई रु. तीन अर्ब विनियोजन, अब कसरी प्राप्त हुन्छ

विनाशकारी बाढीको मारमा परेको झन्डै दुई महिनापछि नेपाल विकासोन्मुख देशहरूले वर्षौँदेखि माग गर्दै आएको जलवायुसम्बन्धी नोक्सानी तथा क्षति कोषबाट रकम विनियोजित हुने पहिलो देश बनेको छ।

संयुक्त राष्ट्रसङ्घीय जलवायु परिवर्तन महासन्धि र पेरिस सम्झौताअन्तर्गत स्थापित हानि र क्षतिको प्रतिकार्य कोष (एफआरएलडी) ले नेपाललाई तत्काल आर्थिक सहयोगका लागि २० मिलियन अमेरिकी डलर छुट्ट्याउने निर्णय बिहीवार गरेको हो। त्यो करिब ३ अर्ब नेपाली रुपैयाँ बराबर हुन्छ।