एकैपटक किन बन्द भए विश्वभरका सरकारीलगायत महत्त्वपूर्ण वेबसाइट ?

विश्वभरका अधिकांश वेबसाइट तथा वेब–एप्लिकेसन सञ्चालनमा व्यापक प्रयोग हुँदै आएको प्रसिद्ध प्रोग्रामिङ ल्याङ्ग्वेज ‘पीएचपी’मा गम्भीर सुरक्षा कमजोरी फेला परेको छ । यसका कारण ७५ प्रतिशत सरकारी तथा मुख्य वेबसाइटहरू बन्द (अफलाइन) गरिएको छ । त्यसको असर नेपालका सरकारी वेबसाइटमा पनि परेको छ ।

प्राविधिक कमजोरी सार्वजनिक भएसँगै विश्वभरका सूचना प्रविधि प्रणालीमा लाखौँ साइबर आक्रमणका प्रयासहरू तीव्र बनेका छन् । नेपाल राष्ट्र बैंकले पनि बिहीबार विज्ञप्ति जारी गर्दै केही पीएचपीमा आएको समस्याका कारण केही वेबसाइटहरू बन्द गर्नुपरेको जनाएको छ । राष्ट्र बैंकलगायत अन्य सरकारी कार्यालयका वेबसाइट पनि बन्द भएका छन् ।