देउवाले ओलीविरुद्ध सबै मोर्चा खोले, प्रचण्डको भर परे आफैँ पर्नेछन् खाल्डामा

नेपाल धितोपत्र बोर्डको अध्यक्ष नियुक्तिमा कुरा बिग्रँदा माओवादी अध्यक्ष पुष्पकमल दाहाल प्रचण्डको सरकार धरापमा पारी नेपाली कांग्रेससँग मिलेर बेचन झाको बयान र अभियोजन आफै गर्न पुगेका नेकपा एमालेका अध्यक्ष केपी शर्मा ओलीले आरजु राणा र शेरबहादुर देउवासँग असारे दहीच्युरा खाएको पनि दसौँ महिना प्रवेश गरेको छ ।

अक्सर नेपालका सरकारहरुका लागि ९ महिनामै खड्गो बन्ने गरेकामा खड्गप्रसाद सरकारले दसौँ महिना टेक्नु त एउटा आश्चर्य हुँदै हो । यो सरकार बनेदेखि मुटुमै गढेको काँडो दस–दस महिनासम्म कसरी सहेर बसेका होलान् दिल्ली र दाहाल कमरेड भन्ने अर्को आश्चर्यको विषय छ । भलै उनीहरु सहेर बसेका छन् कि असह्य छटपटीका बीच निरुपाय बनिरहेका हुन् भन्ने देखिएकै छ ।