नेपालमा संसदीय प्रणाली असफल भइसक्यो, प्रत्यक्ष निर्वाचित राष्ट्रपति नै विकल्प : वामदेव गौतम

काठमाडौँ । नेपाली कम्युनिस्ट पार्टी (नेकपा) का नेता वामदेव गौतमले नेपालमा संसदीय शासन प्रणाली असफल भइसकेको दाबी गर्दै प्रत्यक्ष निर्वाचित राष्ट्रपति प्रणाली नै उपयुक्त विकल्प भएको बताएका छन् । बुधबार पूर्वसांसद मञ्च, नेपालको ६६ औँ वार्षिक साधारणसभामा बोल्दै उनले यस्तो धारणा राखेका हुन् ।

नेता गौतमले २०१५ सालदेखि हालसम्म देशमा कुनै पनि प्रधानमन्त्रीले आफ्नो पाँच वर्षे कार्यकाल पूरा गर्न नसकेको र संसदसमेत पूर्ण कार्यकाल चल्न नसकेको उल्लेख गर्दै संसदीय व्यवस्थाको औचित्य समाप्त भइसकेको तर्क गरे । निर्वाचित सरकारलाई पाँच वर्षसम्म अविच्छिन्न रूपमा काम गर्ने सुनिश्चितता हुनुपर्ने भन्दै बिचमै सरकार परिवर्तन हुने कानुनी व्यवस्थाको अन्त्य हुनुपर्ने उनको भनाइ छ ।